நீலகிரிக்கு சுற்றுலா போகிறீர்களா....அப்போ இதை கட்டாயம் செய்யுங்கள்

கோவை மாவட்டம், மேட்டுப்பாளையத்தில் உள்ள கல்லாறு சோதனை சாவடியில் நீலகிரி செல்லும் வாகனங்களுக்கு உயர் நீதிமன்ற உத்திரவின்படி இ-பாஸ் சோதனை நடைபெற்று வருகிறது. நீலகிரி, கொடைக்கானல் உள்ளிட்ட மலைவாச ஸ்தலங்களுக்கு செல்ல இ-பாஸ் கட்டாயம் என உயர் நீதிமன்றம் தெரிவித்துள்ளது.

இ-பாஸ் சோதனை

இயற்கை எழில் மிகுந்த மலைப்பகுதிகளில் நுழையும் வாகன எண்ணிக்கைகள் அதிகமாக இருப்பதாக உயர் நீதிமன்றம் கருத்து தெரிவித்ததையடுத்து, ஏற்கனவே கடந்த மே மாதம் முதல் இ-பாஸ் நடைமுறை அமலில் இருந்து வரும் நீலகிரி, கொடைக்கானல் பகுதிகளில் இ-பாஸ் சோதனை தற்போது தீவிரப்படுத்தப்பட்டுள்ளது. நீலகிரி மாவட்டத்தின் நுழைவாயிலாக உள்ள மேட்டுப்பாளையத்துக்குள் சுற்றுலா தலமான நீலகிரிக்கு செல்ல நாள்தோறும் ஏராளமான வாகனங்களில் சுற்றுலா பயணிகள் வருகை தருகின்றனர்.

Read more: சென்னையில் வழக்கறிஞர் கொலை வழக்கு –கொலையாளி சிக்கியது எப்படி?

இப்படி வரும் சுற்றுலா வாகனங்கள் மேட்டுப்பாளையம் அடுத்து உள்ள கல்லாறு சோதனை சாவடியில் தடுத்து நிறுத்தப்பட்டு அனைத்து வாகனங்களும் இ-பாஸ் பதிவு செய்து வருகின்றதா என காவல்துறையினர் தீவிர சோதனையில் ஈடுபட்டு வருகின்றனர்.இதனால் சோதனை சாவடிகளில் வாகனங்கள் நீண்டதூரம் அணிவகுத்து நின்று இ-பாஸ் சோதனைக்கு பின்னரே நீலகிரிக்குள் அனுமதிக்கப்பட்டு வருகின்றன.

அதிகாரிகளிடம் வாக்குவாதம் 

நாள் ஒன்றுக்கு 6000 வாகனங்கள் மட்டும் நீலகிரி மாவட்டத்திற்குள் அனுமதிக்கப்படுகிறது.6000 வாகனங்கள் நீலகிரி மாவட்டத்திற்குள் நுழைந்துவிட்டால் தானாகவே இ-பாஸ் செயலி தனது பதிவை நிறுத்தி கொள்ளும். வார விடுமுறை நாட்களில் சனிக்கிழமை மற்றும் ஞாயிற்று கிழமைகளில் மட்டும் 8000 வாகனங்கள் அனுமதிக்கப்பட உள்ளன.

இந்தநிலையில் இ-பாஸ் சோதனை செய்யும் சாவடிகளில் இது TN43 நெடுஞ்சாலை தானே எனக்கூறி கொண்டு ஒரு சிலர் தங்களை உடனடியாக அனுப்ப வேண்டும் என்று அதிகாரிகள் மற்றும் காவலர்களிடம் வாக்குவாதம் செய்து வருகின்றனர்.