கல்லால் அடித்துக்கொலை செய்யப்பட்ட காவலர் – மேலும் ஒருவர் கைது

மதுரை மாவட்டம், உசிலம்பட்டி அருகே கள்ளப்பட்டியைச் சேர்ந்த முத்துக்குமார் என்ற காவலர் கடந்த 27-ஆம் தேதி கல்லால் தாக்கி படுகொலை செய்யப்பட்டார். இதில் காவலருடன் வந்த அவரது உறவினரான ராஜாராம் என்பவர் படுகாயமடைந்து சிகிச்சை பெற்று வருகிறார்.

கொலை வழக்கில் கைது

இந்த வழக்கில் 6 தனிப்படைகள் அமைத்து குற்றவாளிகளை தேடி வந்த போலீசார் கடந்த 29-ஆம் தேதி தேனியில் வைத்து பி.சி.பட்டியைச் சேர்ந்த பொன்வண்ணன் என்பவரை போலீசார் சுட்டு பிடித்தனர். தொடர்ந்து பாஸ்கரன், பிரபாகரன், சிவனேஸ்வரன் என்ற மூவரை கைது செய்து 30 ஆம் தேதி நீதிமன்றத்தில் காவல்துறையினர் ஆஜர்படுத்தி சிறையில் அடைத்தனர்.

Read more: பிரியாணி ஆர்டர் செய்தவருக்கு காத்திருந்த அதிர்ச்சி...ஊழியர்கள் பதிலால் வேதனை

இந்நிலையில் இந்த வழக்கு தொடர்பாக தேடப்பட்டு வந்த ஐந்தாவது குற்றவாளியான நாவார்பட்டியைச் சேர்ந்த பிரதாப் என்பவரை உசிலம்பட்டி தனிப்படை போலீசார் இன்று இராஜபாளையம்-ஸ்ரீவில்லிப்புத்தூர் இடையே காட்டுப் பகுதியில் வைத்து கைது செய்து உசிலம்பட்டி நகர் காவல் நிலையத்தில் தொடர் விசாரணை நடத்தி வருகின்றனர்.