LIVE 24 X 7
தமிழ்நாட்டில் ஆங்காங்கே மழை பெய்து வரும் நிலையில், வங்கக்கடலில் உருவாகவுள்ள புதிய காற்றழுத்த தாழ்வு பகுதி வானிலை வட்டாரத்தில் கவனம் பெற்றுள்ளது. வரும் அக்டோபர் 23-ம் தேதி தென்கிழக்கு மற்றும் அதனை ஒட்டிய மத்திய கிழக்கு வங்கக்கடல் பகுதியில் புதிய காற்றழுத்த தாழ்வு பகுதி உருவாக வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.
வங்கக்கடலில் என்ன நடக்கிறது?
வங்கக்கடல் பகுதியில் நிலவும் வளிமண்டல மேலடுக்கு சுழற்சி வலுப்பெற்று, காற்றழுத்த தாழ்வு பகுதியாக உருவாகக்கூடும் என எதிர்பார்க்கப்படுகிறது. இதன் காரணமாகத் தமிழ்நாட்டின் கடலோரப் பகுதிகள் உள்ளிட்ட இடங்களில் மழைப்பொழிவு அதிகரிக்க வாய்ப்புள்ளது.
ஏற்கெனவே வடகிழக்குப் பருவமழை காலம் என்பதால், வங்கக்கடலில் உருவாகும் இந்தப் புதிய வானிலை அமைப்பு தமிழ்நாட்டின் மழை நிலவரத்தில் மாற்றத்தை ஏற்படுத்துமா என்ற எதிர்பார்ப்பு எழுந்துள்ளது.
மீனவர்களுக்கு எச்சரிக்கை!
கடலில் வானிலை மாற்றங்கள் ஏற்பட வாய்ப்புள்ளதால், மீனவர்கள் எச்சரிக்கையுடன் இருக்குமாறு அறிவுறுத்தப்படுகிறார்கள். கடலுக்குச் செல்வதற்கு முன்பு வானிலை முன்னறிவிப்புகள் மற்றும் அதிகாரப்பூர்வ எச்சரிக்கைகளைத் தொடர்ந்து கவனிக்க வேண்டும் என்றும் கேட்டுக்கொள்ளப்பட்டுள்ளது.
