LIVE 24 X 7
வெஸ்ட் இண்டீஸ் அணிக்கு எதிரான முதலாவது ஒருநாள் கிரிக்கெட் போட்டியில் இந்திய அணியின் மூத்த ஆட்டக்காரர் விராட் கோலி சதம் விளாசிப் பல்வேறு வரலாற்றுச் சாதனைகளைப் படைத்துள்ளார். வெஸ்ட் இண்டீஸ் சுழற்பந்து வீச்சாளர் குடகேஷ் மோட்டியின் பந்தை சிக்சருக்குப் பறக்கவிட்டு தனது 55-வது ஒருநாள் சதத்தைப் பூர்த்தி செய்த கோலி, கிரிக்கெட் ஜாம்பவான் சச்சின் டெண்டுல்கரின் மாபெரும் சாதனையைச் சமன் செய்து அசத்தியுள்ளார்.
சச்சினின் சாதனை முறியடிப்பு
சச்சின் டெண்டுல்கருடன் ஒப்பிடுகையில், விராட் கோலி மிகக் குறைந்த இன்னிங்ஸ்களிலேயே அவரது சாதனைகளை ஒவ்வொன்றாகக் கடந்து வருகிறார். லிஸ்ட்-ஏ கிரிக்கெட் வரலாற்றில் அதிக சதங்கள் அடித்த வீரர் என்ற சச்சினின் சாதனையை விராட் கோலி தற்போது சமன் செய்துள்ளார். சச்சின் 538 இன்னிங்ஸ்களில் 60 சதங்களை எட்டிய நிலையில், கோலி வெறும் 338 இன்னிங்ஸ்களிலேயே தனது 60-வது லிஸ்ட்-ஏ சதத்தைப் பதிவு செய்து பிரம்மிக்க வைத்துள்ளார். இந்தப் பட்டியலில் கிரகாம் கூச் (44 சதங்கள்), கிரீம் ஹிக் (40 சதங்கள்) ஆகியோர் அடுத்தடுத்த இடங்களில் உள்ளனர்.
அதிவேக 15,000 ரன்கள்
போட்டியின் போது 44 ரன்களில் இருந்தபோது சிக்சர் அடித்துத் தனது 80-வது அரைசதத்தைக் கடந்த கோலி, தொடர்ந்து இரண்டு பவுண்டரிகளை விளாசி 59 ரன்களைத் தொட்டபோது சர்வதேச ஒருநாள் கிரிக்கெட்டில் 15,000 ரன்கள் என்ற மைல்கல்லை எட்டினார். சச்சின் டெண்டுல்கருக்குப் பிறகு ஒருநாள் போட்டிகளில் 15,000 ரன்களைக் கடந்த இரண்டாவது இந்திய வீரர் என்ற பெருமையை அவர் பெற்றார்.
அதுமட்டுமின்றி, ஒருநாள் கிரிக்கெட்டில் அதிவேகமாக 15,000 ரன்களைக் கடந்த வீரர் என்ற சச்சினின் உலக சாதனையையும் கோலி தகர்த்துள்ளார். சச்சின் 377 இன்னிங்ஸ்களில் இந்த மைல்கல்லை அடைந்த நிலையில், கோலி 303 இன்னிங்ஸ்களிலேயே இதனை எட்டி புதிய வரலாறு படைத்துள்ளார்.
ஒரே அணிக்கு எதிராக 10-வது சதம்
ஒரு குறிப்பிட்ட அணிக்கு எதிராக அதிக சதங்கள் விளாசிய பட்டியலிலும் கோலியின் ஆதிக்கம் தொடர்கிறது. ஏற்கனவே இலங்கை அணிக்கு எதிராக 10 சதங்களை அடித்திருந்த அவர், தற்போது வெஸ்ட் இண்டீஸுக்கு எதிராகவும் தனது 10-வது சதத்தைப் பதிவு செய்துள்ளார். இதில் சுவாரசியமான விஷயம் என்னவென்றால், இலங்கை மற்றும் வெஸ்ட் இண்டீஸ் ஆகிய இரு அணிகளுக்கும் எதிரான 10-வது சதங்களை கோலி திருவனந்தபுரம் மைதானத்திலேயே அடித்துள்ளார். மேலும், 74 பந்துகளில் சதத்தை எட்டியதன் மூலம், இது ஒருநாள் போட்டிகளில் கோலியின் 3-வது அதிவேக சதமாகவும் பதிவானது.
வெஸ்ட் இண்டீஸ் பேட்டிங்
முன்னதாக, டாஸ் வென்று முதலில் பேட்டிங் செய்த வெஸ்ட் இண்டீஸ் அணி 50 ஓவர்களில் 7 விக்கெட் இழப்பிற்கு 295 ரன்கள் குவித்தது. அந்த அணியில் ஜஸ்டின் க்ரீவ்ஸ் 101 ரன்களும், ஜான் கேம்ப்பெல் 62 ரன்களும், ஆட்டமிழக்காமல் அமீர் ஜாங்கூ 58 ரன்களும் எடுத்தனர். இந்திய தரப்பில் அபாரமாக பந்துவீசிய குல்தீப் யாதவ் 10 ஓவர்களில் 40 ரன்கள் மட்டுமே விட்டுக்கொடுத்து 4 விக்கெட்டுகளை வீழ்த்தினார். பிரசித் கிருஷ்ணா 2 விக்கெட்டுகளைக் கைப்பற்றினார்.
இந்தியா வெற்றி
296 ரன்கள் எடுத்தால் வெற்றி என்ற இலக்குடன் களம் புகுந்த ரோகித் சர்மா 32 ரன்களில் ஆட்டமிழந்தார். பின்னர் ஜோடி சேர்ந்த சுப்மன் கில் மற்றும் விராட் கோலி ஆகியோர் வெஸ்ட் இண்டீஸ் பந்துவீச்சை நாலாபுறமும் சிதறடித்தனர். நிதானமாக ஆடி கில் 108 பந்துகளில் 110 ரன்கள் (13 பவுண்டரிகள், 1 சிக்சர்) எடுத்து ஆட்டமிழந்தார்.
மறுமுனையில் புயல் வேகத்தில் ரன் குவித்த விராட் கோலி 88 பந்துகளில் 10 பவுண்டரிகள், 9 சிக்சர்களுடன் 139 ரன்கள் விளாசி இறுதிவரை களத்தில் நின்று அணியை வெற்றி பெறச் செய்தார். இதன் மூலம் இந்திய அணி 41.4 ஓவர்களில் 2 விக்கெட் இழப்பிற்கு 300 ரன்கள் எடுத்து அபார வெற்றி பெற்றது.
சச்சினின் சாதனை முறியடிப்பு
சச்சின் டெண்டுல்கருடன் ஒப்பிடுகையில், விராட் கோலி மிகக் குறைந்த இன்னிங்ஸ்களிலேயே அவரது சாதனைகளை ஒவ்வொன்றாகக் கடந்து வருகிறார். லிஸ்ட்-ஏ கிரிக்கெட் வரலாற்றில் அதிக சதங்கள் அடித்த வீரர் என்ற சச்சினின் சாதனையை விராட் கோலி தற்போது சமன் செய்துள்ளார். சச்சின் 538 இன்னிங்ஸ்களில் 60 சதங்களை எட்டிய நிலையில், கோலி வெறும் 338 இன்னிங்ஸ்களிலேயே தனது 60-வது லிஸ்ட்-ஏ சதத்தைப் பதிவு செய்து பிரம்மிக்க வைத்துள்ளார். இந்தப் பட்டியலில் கிரகாம் கூச் (44 சதங்கள்), கிரீம் ஹிக் (40 சதங்கள்) ஆகியோர் அடுத்தடுத்த இடங்களில் உள்ளனர்.
அதிவேக 15,000 ரன்கள்
போட்டியின் போது 44 ரன்களில் இருந்தபோது சிக்சர் அடித்துத் தனது 80-வது அரைசதத்தைக் கடந்த கோலி, தொடர்ந்து இரண்டு பவுண்டரிகளை விளாசி 59 ரன்களைத் தொட்டபோது சர்வதேச ஒருநாள் கிரிக்கெட்டில் 15,000 ரன்கள் என்ற மைல்கல்லை எட்டினார். சச்சின் டெண்டுல்கருக்குப் பிறகு ஒருநாள் போட்டிகளில் 15,000 ரன்களைக் கடந்த இரண்டாவது இந்திய வீரர் என்ற பெருமையை அவர் பெற்றார்.
அதுமட்டுமின்றி, ஒருநாள் கிரிக்கெட்டில் அதிவேகமாக 15,000 ரன்களைக் கடந்த வீரர் என்ற சச்சினின் உலக சாதனையையும் கோலி தகர்த்துள்ளார். சச்சின் 377 இன்னிங்ஸ்களில் இந்த மைல்கல்லை அடைந்த நிலையில், கோலி 303 இன்னிங்ஸ்களிலேயே இதனை எட்டி புதிய வரலாறு படைத்துள்ளார்.
ஒரே அணிக்கு எதிராக 10-வது சதம்
ஒரு குறிப்பிட்ட அணிக்கு எதிராக அதிக சதங்கள் விளாசிய பட்டியலிலும் கோலியின் ஆதிக்கம் தொடர்கிறது. ஏற்கனவே இலங்கை அணிக்கு எதிராக 10 சதங்களை அடித்திருந்த அவர், தற்போது வெஸ்ட் இண்டீஸுக்கு எதிராகவும் தனது 10-வது சதத்தைப் பதிவு செய்துள்ளார். இதில் சுவாரசியமான விஷயம் என்னவென்றால், இலங்கை மற்றும் வெஸ்ட் இண்டீஸ் ஆகிய இரு அணிகளுக்கும் எதிரான 10-வது சதங்களை கோலி திருவனந்தபுரம் மைதானத்திலேயே அடித்துள்ளார். மேலும், 74 பந்துகளில் சதத்தை எட்டியதன் மூலம், இது ஒருநாள் போட்டிகளில் கோலியின் 3-வது அதிவேக சதமாகவும் பதிவானது.
வெஸ்ட் இண்டீஸ் பேட்டிங்
முன்னதாக, டாஸ் வென்று முதலில் பேட்டிங் செய்த வெஸ்ட் இண்டீஸ் அணி 50 ஓவர்களில் 7 விக்கெட் இழப்பிற்கு 295 ரன்கள் குவித்தது. அந்த அணியில் ஜஸ்டின் க்ரீவ்ஸ் 101 ரன்களும், ஜான் கேம்ப்பெல் 62 ரன்களும், ஆட்டமிழக்காமல் அமீர் ஜாங்கூ 58 ரன்களும் எடுத்தனர். இந்திய தரப்பில் அபாரமாக பந்துவீசிய குல்தீப் யாதவ் 10 ஓவர்களில் 40 ரன்கள் மட்டுமே விட்டுக்கொடுத்து 4 விக்கெட்டுகளை வீழ்த்தினார். பிரசித் கிருஷ்ணா 2 விக்கெட்டுகளைக் கைப்பற்றினார்.
இந்தியா வெற்றி
296 ரன்கள் எடுத்தால் வெற்றி என்ற இலக்குடன் களம் புகுந்த ரோகித் சர்மா 32 ரன்களில் ஆட்டமிழந்தார். பின்னர் ஜோடி சேர்ந்த சுப்மன் கில் மற்றும் விராட் கோலி ஆகியோர் வெஸ்ட் இண்டீஸ் பந்துவீச்சை நாலாபுறமும் சிதறடித்தனர். நிதானமாக ஆடி கில் 108 பந்துகளில் 110 ரன்கள் (13 பவுண்டரிகள், 1 சிக்சர்) எடுத்து ஆட்டமிழந்தார்.
மறுமுனையில் புயல் வேகத்தில் ரன் குவித்த விராட் கோலி 88 பந்துகளில் 10 பவுண்டரிகள், 9 சிக்சர்களுடன் 139 ரன்கள் விளாசி இறுதிவரை களத்தில் நின்று அணியை வெற்றி பெறச் செய்தார். இதன் மூலம் இந்திய அணி 41.4 ஓவர்களில் 2 விக்கெட் இழப்பிற்கு 300 ரன்கள் எடுத்து அபார வெற்றி பெற்றது.
