தங்கம் கடத்திய விக்ரம் பிரபு பட நடிகை.. சிக்கியது எப்படி..? பின்னணியில் இருக்கும் முக்கிய புள்ளி யார்..?

Actress Ranya Rao Arrest in Bengaluru Airport : பெங்களூர் விமான நிலையத்தில் தங்கம் கடத்திய வழக்கில் பிரபல கன்னட நடிகை ரன்யா ராவ் கைது செய்யப்பட்டுள்ள சம்பவம் அதிர்ச்சியை ஏற்படுத்தி உள்ளது.

Mar 5, 2025 - 09:14
Mar 5, 2025 - 11:12
 0
தங்கம் கடத்திய விக்ரம் பிரபு பட நடிகை.. சிக்கியது எப்படி..? பின்னணியில் இருக்கும் முக்கிய புள்ளி யார்..?
தங்கம் கடத்திய விக்ரம் பிரபு பட நடிகை

Actress Ranya Rao Arrest in Bengaluru Airport : கன்னட திரையுலகின் முன்னணி நடிகையான ரன்யா ராவ் ஏராளமான படங்களில் நடித்துள்ளார். இவர் கன்னடம் மட்டுமல்லாமல் தமிழ், தெலுங்கு உள்ளிட்ட மொழி படங்களிலும் நடித்துள்ளார். தமிழில் நடிகர் விக்ரம் பிரபு நடித்த ‘வாகா’ திரைப்படத்தில் அவருக்கு ஜோடியாக ந‌டித்துள்ளார். கர்நாடக மாநிலம் சிக்மங்களூருவை சேர்ந்த ரன்யா ராவ் துபாயில் இருந்து விமானம் மூலம் பெங்களூர் வந்துள்ளார்.

அப்போது அவர் அனுமதிக்கப்பட்ட அளவை காட்டிலும் அதிக தங்க நகைகளை அணிந்து வந்ததாக கூறப்படுகிறது. இதையடுத்து அவரது உடைமைகளை அதிகாரிகள் சோதனை செய்தபோது 25 தங்க கட்டிகள் இருந்துள்ளது. இதன் எடை 14.8 கிலோ என்று கூறப்படுகிறது. இதனால் சந்தேகமடைந்த  வருவாய் புலனாய்வு இயக்குநரக அதிகாரிகள், அவரிடம் விசாரணை மேற்கொண்டனர்.

மேலும் படிக்க: இரண்டு நாட்களாக பூட்டி இருந்த வீடு.. நடிகையின் நிலையை கண்டு அதிர்ச்சியடைந்த போலீஸ்

அப்போது தான் கர்நாடக காவல் துறையில் டிஜிபி அந்தஸ்தில் இருக்கும் ஐபிஎஸ் அதிகாரியின் மகள் எனவும், பெங்களூரு மாநகர போலீஸார் என்னை வீட்டுக்கு அழைத்துச் செல்வார்கள் எனவும் ரன்யா கூறியுள்ளார். இருப்பினும் சந்தேகம் அடைந்த அதிகாரிகள், அவரை வருவாய் புலனாய்வு இயக்குநரக அலுவலகத்திற்கு அழைத்து சென்று விசாரணை நடத்தினர்.

அதில் ரன்யா ராவ் க‌டந்த 15 நாட்களில் 4 முறை துபாய்க்கு பயணம் செய்தது தெரியவந்தது. ஒவ்வொரு முறையும் தங்கம் கடத்தி வந்திருப்பதாக அதிகாரிகளுக்கு தகவல் கிடைத்துள்ளது. இதையடுத்து சட்ட விரோதமாக தங்கம் கடத்தியதாக ரன்யா ராவ் மீது அதிகாரிகள் வழக்கு பதிவு செய்துள்ளனர்.

மேலும், அவரிடம் இருந்த 14.8 கிலோ தங்கத்தையும் பறிமுதல் செய்தனர்.  நடிகை ரன்யா ராவ் தங்கம் கடத்திய வழக்கின் பின்னணியில் முக்கிய புள்ளிகள் சிலர் இருக்கலாம் என வருவாய் புலனாய்வு இயக்குநரக அதிகாரிகள் சந்தேகித்துள்ள நிலையில் அந்த கும்பல், அவரை தங்கம் கடத்த பயன்படுத்தி இருக்கலாம் என்ற கோணத்தில் அதிகாரிகள் விசாரணையை மேற்கொண்டுள்ளனர்.

What's Your Reaction?

like

dislike

love

funny

angry

sad

wow