அதில், “தமிழ்நாட்டு காவல்துறை மற்றும் போதை பொருள் நுண்ணறிவு தடுப்பு பிரிவு போதைப் பொருள் புழக்கத்தை கட்டுப்படுத்த பல்வேறு நடவடிக்கைகளை தமிழ்நாடு முழுவதும் எடுத்து வருகிறது. அந்த வகையில் விழிப்புணர்வை ஏற்படுத்தும் வகையில் குறிப்பாக மாணவர்கள் மத்தியில் விழிப்புணர்வை ஏற்படுத்துவதற்கு போதைப்பொருள் நுண்ணறிவுப் பிரிவு, போதைப் பொருள் இல்லா தமிழ்நாடு திட்டத்தில் உறுதிமொழி ஏற்பு நடைபெற்றது.

ஆகஸ்ட் 11ஆம் தேதி நடைபெற்ற இந்த நிகழ்வின் போது முதல்வர் ஸ்டாலின் போதைப் பொருள் இல்லா தமிழ் நாட்டை உருவாக்க வேண்டும் என அழைப்பு விடுத்திருந்தார். அந்த வகையில் தமிழ்நாடு காவல்துறை பல்வேறு நடவடிக்கைகளை போதைப் ஒழிப்புக்காக மேற்கொண்டு வருகிறது. குறிப்பாக பள்ளிகள் கல்லூரிகள் மற்றும் பொது இடங்களில் போதை ஒழிப்பு மற்றும் போதைப் பொருளால் ஏற்படும் விளைவுகள் குறித்து விழிப்புணர்வுகளை நடத்தி போதை பொருள் இல்லா தமிழ் நாட்டை அடைய பல்வேறு நடவடிக்கைகளை மேற்கொண்டு வருகின்றனர்.

தமிழக காவல்துறை ஏற்கனவே அனைத்து கல்வி நிலையங்களிலும் போதைப்பொருள் எதிர்ப்பு கிளப்புகள் மற்றும் தன்னார்வ குழுக்களை அமைப்பதற்கு அறிவிப்புகளை வெளியிட்டிருந்தது.  தற்போது தமிழக அரசு அதை முறைப்படுத்தி மேம்படுத்த அரசாணை பிறப்பிக்கப்பட்டுள்ளது. அந்த அடிப்படையில் இரண்டு திட்டங்களை அரசு கொண்டுவந்துள்ளது. என்எஸ்எஸ், என்சிசி, ஆர்ஆர்சிஒய்ஆர்சி போன்ற தன்னார்வலர்களின் முப்பது மணி நேர தன்னார்வ நிகழ்ச்சி மூலமாகவும், இரண்டாவதாக போதைப் பொருள் எதிர்ப்பு கிளப்புகளை அனைத்து கல்வி நிலையங்களில் கொண்டு வருவதுடன் மூலமும் போதைப்பொருள் இல்லா தமிழ்நாட்டை கொண்டுவர முடிவு செய்துள்ளனர்.

அந்த அடிப்படையில் மாணவர்கள் மற்றும் இளைஞர்கள் மத்தியில் விழிப்புணர்வை ஏற்படுத்த தமிழக அரசு அரசாணை வெளியிட்டுள்ளது. இந்தியாவில் முதன்முறையாக இது போன்ற நடவடிக்கை தமிழ்நாட்டின் மேற்கொள்ளப்பட்டுள்ளது. இந்த புதிய முயற்சிகளின் மூலம் மாணவர்கள் போதைப் பொருள் எதிர்ப்புக்கு எதிரான நடவடிக்கைகளில் ஈடுபடுத்த திட்டமிட்டுள்ளனர். இந்த கிளப்புகள் அனைத்து பள்ளிகள் மற்றும் கல்லூரிகள் கல்வி நிலையங்களில் உருவாக்கப்பட்டு அவற்றை கண்காணிக்கவும் முறைப்படுத்தவும் மாவட்ட ஆட்சியர் தலைமையில் மாவட்ட அளவிலான குழு அமைக்கவும் தெரிவிக்கப்பட்டுள்ளது.

இந்த மாவட்ட அளவிலான குழுவில் காவல் கண்காணிப்பாளர், முதன்மை கல்வி அதிகாரி, கல்லூரி மண்டல இணை ஆணையர் மற்றும் மாவட்ட என்எஸ்எஸ் நிகழ்ச்சி நோடல் அதிகாரி சுகாதாரத் துறை இணை ஆணையர் மற்றும் உறுப்பினர் செயலர்   உள்ளிட்டவர்கள் மாவட்ட குழுவில் இடம் பெறுவார்கள் இதே போன்று மாநில அளவிலான குழுவில் போலீஸ் ஏடிஜிபி, கல்லூரி கல்வி ஆணையர், பள்ளிக்கல்வித்துறை ஆணையர், என்சிசி துணை இயக்குனர் மற்றும் உறுப்பினர் செயலர் திட்ட இயக்குனர் அடங்கிய மாநில குழு உருவாக்கப்பட்டுள்ளது. மாவட்ட அளவிலான குழு போதைப்பொருள் எதிர்ப்பு கிளப்புகள் மற்றும் தன்னார்வ குழுக்களை காலாண்டு மற்றும் அரையாண்டு என்ற அடிப்படையில் நடவடிக்கைகளை கண்காணிக்கும். அதில் மூன்று தன்னார்வக் குழுக்கள்  பள்ளி, கல்லூரிகள், பாலிடெக்னிக்கல் கல்லூரியில் இருந்து சிறப்பாக செயல்படும் குழுக்களை விருதுக்காக தேர்ந்தெடுக்கப்படுவர்.

இந்த கல்வி நிறுவனங்கள் மாநில அளவிலான குழுவிற்கு பரிந்துரைக்கப்படும். அதன் பிறகு மாநில அளவில் சிறந்து விளங்கும் மூன்று குழுக்கள் தேர்ந்தெடுக்கப்படும். தேர்ந்தெடுக்கப்பட்ட தன்னார்வக் குழுக்களில் மாவட்ட அளவில் முதல் மூன்று இடங்களைப் பிடிப்பவர்களுக்கு, முதல் பரிசு 15 ஆயிரம் இரண்டாவது பரிசாக பத்தாயிரம் மற்றும் மூன்றாவது பரிசாக 5000 வழங்கப்படும். மாநில அளவில் முதல் மூன்று இடங்களை பிடிக்கும் தன்னார்வ குழுக்களுக்கு முதல் பரிசாக ஒரு லட்சம் இரண்டாவது பரிசாக 75 ஆயிரம் மூன்றாவது பரிசாக 50,000 அளிக்கப்படும். இந்த முயற்சிகள் அனைத்தும் போதைப் பொருளுக்கு எதிராக விழிப்புணர்வை ஏற்படுத்தவும் போதைப் பொருள் தொடர்பான அபாயங்களை பள்ளி மாணவர்கள் மற்றும் இளைஞர்கள் மத்தியில் கொண்டு சென்று போதை பொருள் இல்லா தமிழ்நாட்டை லட்சியத்தை அடைய கொண்டு வரப்பட்டுள்ளதாக தமிழக காவல்துறை தெரிவித்துள்ளது” எனக் குறிப்பிடப்பட்டுள்ளது.