சென்னையில் துணை முதலமைச்சர் உதயநிதி ஸ்டாலின் பெயரை தவறாக பயன்படுத்தி விட்டேன் எனக்கூறி காவலரை மிரட்டிய விவகாரத்தில் கைதான சந்திரமோகன் மன்னிப்பு கோரி வீடியோ வெளியிட்டார்.

சென்னை மெரினா கடற்கரை லூப் சாலையில் மயிலாப்பூர் போலீசார் நேற்றிரவு ரோந்து பணியில் ஈடுபட்டு வந்தனர். காவலர் சிலம்பரசன் உள்ளிட்ட போலீசார் வாகன சோதனையில் ஈடுபட்டு இருந்தபோது, லூப் சாலையில் காரில் அமர்ந்து பேசி கொண்டிருந்தவர்களிடம் அங்கிருந்து கலைந்து போகக்கூறிய போது தகாத வார்த்தைகளால் பேசியுள்ளனர்.

மேலும், சாலையில் நிறுத்தட்டு இருந்த காரை எடுக்கும்படி போலீசார் காருக்குள் இருந்த தம்பதியிடம் கேட்டதாக கூறப்படுகிறது. ஆனால் ரோந்து போலீசார் மிக இழிவாக பேசி தம்பதி அநாகரீகமாக நடந்து கொண்டதால் பரபரப்பு ஏற்பட்டது.

அதில், போலீசார் நீங்கள் யார் என்று கேட்டதும், இருவரும் போஸ் கொடுத்து கிண்டல் செய்தனர். மேலும் அவர், நான் உதயநிதி ஸ்டாலினை இங்கேயே கூப்பிடுவேன் பார்க்கிறேயா? என போலீசாரை மிரட்டும் தொணியில் பேசினார். வையாபுரி முஞ்சு, பல்லி மூஞ்சு என போலீசாரை கிண்டல் கேலி செய்தார். 

மேலும் அந்த நபர், ‘நான் குடித்து தான் இருக்கிறேன். என்னால் வண்டி எடுக்க முடியாது. உன்னால் முடிந்ததை பார்’ என மிரட்டல் விடுத்தார். நாளை காலையில், உங்களது முகவரி எல்லாத்தையும் எடுத்து உங்களை காலி செய்து விடுவேன் என மிரட்டி அந்த நபர் இறுதியாக காரை வட்டமிட்டபடி எடுத்து சென்றார். 

தம்பதியினரின் இந்த வீடியோ சமூக வலைதளங்களில் வைரலாகி உள்ளது. இந்நிலையில், அந்த தம்பதி குறித்து விசாரணை நடத்தி வருவதாக போலீசார் தெரிவித்துள்ளனர்.

இதனையடுத்து வீடியோவில் இருப்பவர்கள் தம்பதி அல்ல என்பதும், வீடியோவில் இருப்பவர் பெயர் சந்திரமோகன் என்பதும் கார் விற்பனை செய்து வருவதும்  போலீஸ் விசாரணையில் தெரிய வந்தது. அவர்களை பிடிக்க 2 தனிப்படைகள் அமைக்கப்பட்டது.

மேலும் படிக்க: தொப்புள்கொடி சர்ச்சை.. இர்ஃபான் போட்ட ஒற்றை வீடியோ.. மருத்துவமனைக்கு விரைந்த குழு!

இதனையடுத்து, போலீசை இழிவாக பேசிய சந்திரமோகன் மற்றும் அந்த பெண் ஆகிய 2 பேரும் பிடிபட்டனர். வேளச்சேரி பகுதியில் உள்ள தங்கும் விடுதியில் வைத்து பிடித்து போலீசார் விசாரணை நடத்தினர். இந்நிலையில், துணை முதலமைச்சர் உதயநிதி ஸ்டாலின் பெயரை தவறாக பயன்படுத்தி விட்டேன் எனக்கூறி காவலரை மிரட்டிய விவகாரத்தில் கைதான சந்திரமோகன் மன்னிப்பு கோரி வீடியோ வெளியிட்டார்.