இந்திய பங்குச் சந்தைகள் எல்லாம் வரலாறு காணாத அளவிற்கு வீழ்ச்சியினை சந்தித்து வரும் நிலையில், முதலீட்டாளருக்கு வருமானத்தையும், நிம்மதியையும் தரும் ஒரே விஷயமாக இருப்பது தங்கம் தான். இந்தியாவில் குறிப்பாக தென் இந்தியாவில் தங்கத்தில் முதலீடு செய்யும் பழக்கம் பெண்களிடத்தில் அதிகமாக உள்ளது என்கிறது புள்ளி விவரங்கள்.

கடந்த ஒரிரு மாதங்களாகவே விண்ணை முட்டும் அளவிற்கு தங்கத்தின் விலை ஏறி வந்தது. கொஞ்சம் ஆறுதல் அளிக்கும் வகையில், வாரத்திற்கு ஒரு முறை , இரு முறை இறக்கம் கண்டது தங்கத்தின் விலை. அந்த வகையில் இன்றைய தினம்  'சர்வதேச மகளிர் தினம்' கொண்டாடப்படும் நிலையில் பெண்களுக்கு ஷாக் கொடுத்துள்ளது தங்கம் விலை.

சென்னையில் தங்கத்தின் விலை என்ன?

நேற்றைய தினம் சென்னையில், 24 கேரட் மதிப்புள்ள ஒரு கிராம் தங்கத்தின் விலை ரூ.8716 ஆக விற்ற நிலையில் இன்று ஒரே நாளில் கிராமுக்கு ரூ.55 வரை அதிகரித்து ரூ.8,771 ஆக விற்பனையாகிறது. கடந்த 2 நாட்களாக தங்கம் விலை சரிந்து வந்த நிலையில் மீண்டும் வேதாளம் முருங்கை மரம் ஏறிய கதையாக தங்கத்தின் விலை உயர்ந்துள்ளது நடுத்தர வர்க்க மக்களிடையே கவலையினை உண்டாக்கியுள்ளது. சவரனுக்கு ரூ.440 வரை அதிகரித்து சென்னையில் இன்று ஒரு சவரன் ரூ.70,168 ஆக விற்பனையாகிறது.

தொடர்ந்து அமெரிக்க டாலருக்கு நிகரான இந்திய ரூபாயின் மதிப்பு சரிந்து வருவதும் தங்கத்தின் விலை உயர்வுக்கு காரணமாக கருதப்படுகிறது. தங்கத்தின் விலை தொடர்ந்து இனி வரும் காலங்களில் அதிகரிக்கவே வாய்ப்புள்ளதாக பொருளாதார நிபுணர்களால் கணிக்கப்பட்டுள்ளது.

தங்கத்தின் விலை ஒருபக்கம் அதிகரித்துள்ள நிலையில், வெள்ளியின் விலையில் எவ்வித மாற்றமும் ஏற்படவில்லை. 1 கிராம் வெள்ளி ரூ.108.10 ஆக விற்பனையாகிறது. மகளிர் தினத்தன்று, நம் வாழ்வின் அன்பிற்குரிய பெண்களுக்கு தங்க நகை வாங்கி தந்து சர்ப்பரைஸ் செய்யலாம் என திட்டமிட்டிருந்த ஆண்களின் பட்ஜெட்டில் லேசான இடி விழுந்துள்ளது என்றால் மிகையல்ல.

Read more:

சமமாக பார்க்கும் தைரியம் அவர்களுக்கில்லை: கவனம் ஈர்த்த எம்.பி கனிமொழியின் பதிவு

சர்வதேச மகளிர் தினம் 2025: எப்படி உருவானது பெண்கள் தினம்? முக்கிய நோக்கம் இதுதான்!