செரிமானக் கோளாறுகளுக்கு நிரந்தர தீர்வு; புரோபயாடிக் உணவுகள் தரும் சொல்யூஷன்!

வயிற்று எரிச்சல், புளிப்பு ஏப்பம், வாயுத் தொல்லை, வயிற்று வலி, நெஞ்செரிச்சல், மலம் கழிக்கும் உணர்வு, மலச்சிக்கல் இவையெல்லாம் இன்றைய காலகட்டத்தில் சர்வ சாதாரணமாகப் பலருக்கும் ஏற்படும் பிரச்சனைகளாகிவிட்டது. இதற்கு அடிப்படையான காரணம் செரிமானப் பிரச்சனையாகும். உங்கள் உணவு வழக்கத்தில் புரோபயாடிக் உணவுகளை சேர்ப்பது குடல் ஆரோக்கியம் உள்ளிட்ட பல ஆரோக்கிய பிரச்சனைகளை தீர்க்க உதவுகிறது. அவை செரிமானத்தை மேம்படுத்துவது மட்டுமல்லாமல் சுவையாகவும் இருக்கும். உங்கள் குடலுக்கு சரியான புரோபயாடிக் உணவைத் தேர்ந்தெடுப்பது ஆரோக்கியமான குடலை பராமரிக்க சிறந்த உத்தியாகும்.  

உங்களது டயட்டில் புரோபயாடிக் உணவுகளைச் சேர்ப்பதன் மூலம், வலுவான நோய் எதிர்ப்பு அமைப்பு, மேம்பட்ட செரிமானம், வைட்டமின் பி 12 உற்பத்தியிலிருந்து அதிகரித்த ஆற்றல், புரோபயாடிக்குகள் கேண்டிடாவை அழிப்பதால் சிறந்த சுவாசம், ஆரோக்கியமான சருமம், சளி மற்றும் காய்ச்சலுக்கு தீர்வு, கசிவு குடல் மற்றும் குடல் அழற்சி நோயிலிருந்து நிவாரணம் மற்றும் எடை மேலாண்மை உள்ளிட்ட நன்மைகளை நீங்கள் பெறலாம். 

புரோபயாடிக் உணவுகள் குறித்து தற்போது பார்க்கலாம்! 

தயிர்: இதில் நிறைந்திருக்கும் புரோபயாடிக், குடல் ஆரோக்கியத்தையும், செரிமானத்தையும் மேம்படுத்துகிறது. தினமும் தயிரை சாப்பிடுவதால் குடலுக்கு ஆரோக்கியத்தை தரும் பாக்டீரியாவின் வளர்ச்சி அதிகமாகிறது மற்றும் நோயெதிர்ப்பு சக்தியை மேம்படுத்துகிறது. மேலும், உடல் எலும்புகளின் ஆரோக்கியம் மற்றும் ரத்த அழுத்த பிரச்சனைகளை தடுக்கவும் உதவுகிறது. 

வாழைப்பழம்: குடல் ஆரோக்கியத்தை மேம்படுத்தக்கூடிய தன்மை வாழைப்பழங்களில் உள்ளது. இது செரிமானப் பிரச்சனைகளை சரி செய்வதோடு, குடல் புண் பிரச்சனைகளையும் குணப்படுத்துகிறது. 

ஊறவைக்கப்பட்ட காய்கறிகள்: கேரட், முள்ளங்கி மற்றும் வெள்ளரிகள் போன்ற ஊறவைக்கப்பட்ட காய்கறிகள் புரோபயாடிக்குகளின் சிறந்த ஆதாரங்களாகும். இது செரிமானத்தை மேம்படுத்துகிறது மற்றும் குடலில் உள்ள நல்ல பாக்டீரியாவை அதிகரிக்கிறது.

ஊறுகாய்: பழங்கள் மற்றும் காய்கறிகளில் இருந்து தயாரிக்கப்படும் ஊறுகாய், குடல் ஆரோக்கியத்தை மேம்படுத்தக்கூடிய நல்ல பாக்டீரியாக்களின் உற்பத்தியை அதிகரிக்க உதவிகிறதுய். கசப்பான மற்றும் காரமான ஊறுகாய், உணவின் சுவையை அதிகரிப்பது மட்டுமல்லாமல் செரிமானத்தையும் மேம்படுத்துகிறது.

பன்னீர்: பாலாடைக்கட்டி எனப்படும் பன்னீர், புரோபயாடிக்குகளின் சிறந்த மூலமாகும். பன்னீரில் செரிமானத்தை ஆதரிக்கும் பாக்டீரியாக்கள் உள்ளன. நமது உணவில் பன்னீரை சேர்த்துக் கொள்வது குடல் பாக்டீரியாவை மேம்படுத்தவும், சிறந்த செரிமானம் மற்றும் ஊட்டச்சத்துக்களை உறிஞ்சுவதற்கும் உதவுகிறது. மேலும் இது இதயம், எலும்பு மற்றும் பற்களின் ஆரோக்கியத்திற்கு நம்பமுடியாத அளவிற்கு முக்கியமானது. 

மேலும் படிக்க: நெல்லிக்காய் ஜூஸ்.. வெறும் வயிற்றில் குடித்தால் நடக்கும் அற்புதங்கள்!

டார்க் சாக்லேட்: சாக்லேட்டுகளின் முக்கிய ஆரோக்கிய நன்மைகளில் ஒன்று சரியான அளவு புரோபயாடிக்குகளை வழங்குவதாகும். குறைவாக சேர்க்கப்பட்ட சர்க்கரைகளைக் கொண்ட உயர்தர டார்க் சாக்லேட்டுகளை அவ்வப்போது சாப்பிட்டு வருவது செரிமானத்திற்கு உதவும்.