ராமநாதபுரம் மாவட்டம் மண்டபம் பகுதியில் இருந்து கடந்த பிப்ரவரி இரண்டாம் தேதி அன்று ஒரு படகில் 10 மீனவர்கள் மீன்பிடிக்க கடலுக்கு சென்றனர் அப்பொழுது தலைமன்னார் அருகே எல்லை தாண்டி மீன் பிடித்ததாக கூறி இலங்கை கடற்படையினர் 10 மீனவர்களையும் கைது செய்து மன்னார் நீதிமன்றத்தில் ஆஜர் படுத்தி வவுனியா சிறையில் அடைத்தனர். 

மேலும் இந்த பத்து பேரில் பிரதாப் என்ற மீனவர் இரண்டாவது முறையாக பிடிபட்டதை அடுத்து அவருக்கு இரண்டு ஆண்டுகள் சிறை தண்டனை விதிக்கப்பட்டது குறிப்பிடத்தக்கது.

மேலும் ராமேஸ்வரத்தில் இருந்து கடந்த பிப்ரவரி 19ஆம் தேதி அன்று நான்கு மீனவர்கள் தலைமன்னார் அருகே மீன்பிடித்துக் கொண்டு இருந்த பொழுது இலங்கை கடற்படையினர் அங்கு வந்து எல்லை தாண்டி மீன்பிடித்ததாக கூறி நான்கு மீனவர்களையும் கைது செய்து மன்னார் நீதிமன்றத்தில் ஆஜர் படுத்தி வவுனியா சிறையில் அடைத்தனர்.

மேலும் பிப்ரவரி 23ஆம் தேதி அன்று ராமேஸ்வரத்தில் இருந்து ஒரு சிறிய விசைப்படகு மூலம் நான்கு மீனவர்கள் தலைமன்னார் அருகே மீன்பிடித்துக் கொண்டு இருந்த பொழுது அங்க பகுதிக்கு வந்த இலங்கை கடற்படையினர் நான்கு பேரையும் எல்லை தாண்டி வந்து மீன்பிடித்ததாக கூறி கைது செய்து மன்னார் நீதிமன்றத்தில் ஆஜர் படுத்தி வவுனியா சிறையில் அடைத்தனர்.

மத்திய மாநில அரசுகளின் பேச்சு வார்த்தைக்கு பின்னர் பிப்ரவரி இரண்டாம் தேதி கைது செய்யப்பட்ட 10 மீனவர்களில் ஒன்பது மீனவர்கள் கடந்த மார்ச் 14ஆம் தேதி அன்று விடுதலை செய்யப்பட்டனர் மேலும் பிப்ரவரி 19ஆம் தேதி கைது செய்யப்பட்ட நான்கு மீனவர்களில் கென்னடி என்ற மீனவர் மட்டும் இந்திய ரூபாய் மதிப்பில் ரூபாய் 80 ஆயிரம் ரூபாய் அபராதம் செலுத்திய பின் அவரை கடந்த மார்ச் 14ஆம் தேதி அன்று விடுதலை செய்தனர்.

இதனைத் தொடர்ந்து பிப்ரவரி 23ஆம் தேதி அன்று கைது செய்யப்பட்ட நான்கு மீனவர்களில் ஒருவரான ஜெயபிரகாஷ் என்ற மீனவர் இந்திய ரூபாய் மதிப்பில் ரூபாய் 80 ஆயிரம் ரூபாய் அபராதம் செலுத்திய பின் அவரை மார்ச் 14ஆம் தேதி அன்று விடுதலை செய்தனர் மொத்தம் 11 மீனவர்கள் விடுதலை செய்யப்பட்டதை அடுத்து அவர்கள் அனைவரையும் கொழும்புவில் உள்ள இந்திய தூதரக அதிகாரிகளிடம் ஒப்படைத்தனர்.

மேலும் அவர்கள் அனைவருக்கும் மருத்துவம் மற்றும் உடல் பரிசோதனைகள் அனைத்தையும் மேற்கொண்ட பின்பு அவர்களுக்கு அவசரகால கடவுச்சீட்டுகள் வழங்கி விமான டிக்கெட்டுகள் அனைத்தையும் வழங்கி கொழும்புவில் இருந்து ஏர் இந்தியா விமான மூலம் சென்னை விமான நிலையத்திற்கு அனுப்பி வைத்தனர். சென்னை விமான நிலையத்தில் அவர்களுக்கு குடியுரிமை சோதனை சுங்க சோதனை என அனைத்தையும் முடித்த பின்பு வெளியே வந்த அவர்களை தமிழக மீன்வளத்துறை அதிகாரிகள் வரவேற்று தனி வாகனம் மூலம் ராமேஸ்வரம் மற்றும் மன்னார் பகுதிகளுக்கு அழைத்துச் சென்றனர்.