சென்னை பாரிமுனையில் ராஜா அண்ணாமலை மன்றத்தில் மக்கள் முதல்வரின் மனிதநேய விழா நடைபெற்றது. இந்த நிகழ்ச்சியில் அமைச்சர் சேகர்பாபு, கவிப்பேரரசு வைரமுத்து மற்றும் மேயர் பிரியா மற்றும் பலர் கலந்து கொண்டனர். 

அப்போது வைரமுத்து பேசியதாவது, “நீதிபதிகள் தனது மனைவிகளிடம் கூட தனது ரகசியங்களை சொல்லாதவர்கள். நீதிபதிகள், சொற்களை தண்ணீர் போல செலவழிக்க முடியாது. நீதிபதிகள் தற்போது ஒரு சுதந்திர பறவைகள், எது வேண்டுமானாலும் பேசலாம். சொல் என்பது பித்தலை, செயல் என்பது ஒரு தங்கம். அமைச்சர் சேகர்பாபுவை அவருடைய செயல்பாடுகள் நிலை நிறுத்த வைக்கிறது. 

முதலமைச்சர் மு.க.ஸ்டாலின் இந்திய துணை கண்டத்தின் ஒரு வழிகாட்டியாக இருக்க வேண்டும் என அமைச்சர் சேகர்பாபு உழைத்து கொண்டே இருக்கிறார். கருப்பு தமிழர்களை உலகத்திற்கு அடையாளம் காட்ட தூக்கம் வேண்டாம் என்று நினைத்தவர்கள் தான் மூன்று முதல்வர்கள், அண்ணா, காமராஜர், ஸ்டாலின். இவர்கள் மூன்று பேரும் செயல் வீரர்கள்.  

நான் ஒரு நாள், கலைஞரிடம் பொதுமக்கள் உங்களிடம் கொடுக்கும் மனுக்களில் எத்தனை நிறை வேற்றுவீர்கள் என்று கேள்வி கேட்டேன். அதற்கு அவர் 30 விழுக்காடு நிறைவேற்றுவேன் என்று கூறினார். பொதுமக்கள் கொடுக்கும் மனுக்கள் பெரும்பாலும் அடுத்த முதல்வர் ஆகுவது எப்படி, என்னுடைய மனைவி பிரச்சனையை தீர்த்து வையுங்கள் என பல்வேறு மனுக்கள் கிடைக்கும். 

தற்போதைய முதல்வரை பார்த்தால் முடிந்த அளவிற்கு உதவி செய்கிறார். எல்லா மனுக்களையும் நிறைவேற்ற முடியாது. முறையான மனுக்களுக்கான நடவடிக்கை எடுக்கப்படுகிறது. நான் ஒரு நாள் சொற்பொழிவு நடத்த வேண்டும் என மேடையில் அமைச்சர் சேகர்பாபு விடம் கோரிக்கை வைத்தார். ஒறு கூரையின் கீழ் 58 காட்சி தலைவர்களை அமர வைத்தவர்தான் முதல்வர், வேறு யாரேனும் அனைத்து கட்சி கூட்டத்தை கூட்ட முடியுமா? ” என்று பேசினார்.