சென்னை விமான நிலையத்தில் சமீப காலமாக, விமான சேவைகள் திடீரென நிர்வாக காரணங்களுக்காக ரத்து செய்யப்படுவதாக அறிவிக்கப்படுவதால் பயணிகள் அவதிக்குள்ளாகி வருகின்றனர். 

இந்த நிலையில் இன்று புவனேஸ்வர், கொல்கத்தா, பெங்களூர், திருவனந்தபுரம், சிலிகுரி உள்ளிட்ட 6 புறப்பாடு விமானங்கள், அதைப்போல் 6 வருகை விமானங்கள் என 12 விமான சேவைகள் ரத்து செய்யப்பட்டுள்ளன. இவைகள் அனைத்துமே ஏர் இந்தியா எக்ஸ்பிரஸ் விமானங்கள் ஆகும். 

சென்னையில் இருந்து புவனேஸ்வருக்கு இன்று காலை 7.45 மணிக்கு செல்ல வேண்டிய விமானம், காலை 8.25 மணிக்கு கொல்கத்தா விமானம், காலை 9.40 மணி பெங்களூரு விமானம், காலை 10.10 மணி திருவனந்தபுரம் விமானம், பகல் 12.35 மணி சிலிகுரி விமானம், இரவு 10.45 மணி கொல்கத்தா விமானம் ஆகிய 6 புறப்பாடு விமானங்கள் ரத்து செய்யப்பட்டுள்ளன.

அதை போல் சென்னைக்கு வர வேண்டிய காலை 9 மணி பெங்களூரு விமானம், பகல் 12 மணி புவனேஸ்வர் விமானம், பகல் 1.40 மணி திருவனந்தபுரம் விமானம், பகல் 1.45 மணி கொல்கத்தா விமானம், மாலை 6.40 மணி சிலிகுரி  விமானம், இரவு 10.05 மணி கொல்கத்தா விமானம் ஆகிய 6 வருகை விமானங்கள் ரத்து செய்யப்பட்டுள்ளன. 

இன்று 12 விமானங்கள், சென்னை உள்நாட்டு விமான நிலையத்தில் நிர்வாக காரணங்களால் விமானங்கள் ரத்து செய்யப்பட்டுள்ளதாக அறிவிக்கப்பட்டுள்ளது.

மேலும் விமானங்கள் ரத்து செய்யப்பட்டு இருப்பதை பயணிகளுக்கு மின்னஞ்சல் மூலமும் தகவல்களும் தெரிவிக்கப்பட்டு இருப்பதாக அதிகாரிகள் தரப்பில் தெரிவிக்கப்பட்டு இருப்பதும் குறிப்பிடத்தக்கது. ஒரு சில பயணிகளுக்கு தகவல் கிடைக்காததால் சற்று விமான நிலையங்களுக்கு வந்து அவதிக்கு உள்ளாகியதும் குறிப்பிடத்தக்கது.