ஏறுமுகத்தில் தங்கம் விலை.. இன்றைய நிலவரம் என்ன?

சென்னையில் ஆபரணத் தங்கத்தின் விலை தொடர்ந்து ஏற்றத்தைக் கண்டு வருகிறது. இந்த நிலையில், இன்று ஆபரணத் தங்கத்தின் விலை இன்று சவரனுக்கு ரூ.520 உயர்ந்துள்ளது.

கடந்த 6 ஆம் தேதி அன்று காலை மற்றும் மாலை என இரண்டு வேளைகளிலும் சேர்த்து தங்கத்தின் விலை கிராமுக்கு ரூ.270 உயர்ந்து ரூ.13,750-க்கும், சவரனுக்கு ரூ.2,160 அதிகரித்து ரூ.1,10,000-க்கும் விற்பனையானது.

அதனைத் தொடர்ந்து, நேற்று காலையில் மாற்றம் எதுவும் இன்றி விற்பனையான தங்கம், மாலையில் மீண்டும் விலை உயர்ந்தது. கிராமுக்கு ரூ.150 உயர்ந்து ரூ.13,900-ஆகவும், சவரனுக்கு ரூ.1,200 உயர்ந்து ரூ.1,11,200-ஆகவும் அதிகரித்தது.

இந்தத் தொடர் விலை உயர்வின் நீட்சியாக, இன்று காலையிலும் ஆபரணத் தங்கம் கிராமுக்கு ரூ.65 உயர்ந்து ரூ.13,965-க்கு விற்பனை செய்யப்படுகிறது. சவரனுக்கு ரூ.520 உயர்ந்து ரூ.1,11,720 என்ற புதிய உச்சத்தை எட்டியுள்ளது.

அதேவேளையில், வெள்ளியின் விலையில் எவ்வித மாற்றமும் இன்றி நேற்றைய நிலையிலேயே நீடிக்கிறது. ஒரு கிராம் வெள்ளி ரூ.250-க்கும், ஒரு கிலோ கட்டி வெள்ளி ரூ.2,50,000-க்கும் விற்பனையாகி வருகிறது.