லத்தீன் அமெரிக்காவின் மிகப்பெரிய பொருளாதார நாடான பிரேசிலில் நடைபெற்ற அதிபர் தேர்தலில், தற்போதைய அதிபரும் இடதுசாரி தலைவருமான லூயிஸ் இனாசியோ லுலா டா சில்வா மீண்டும் வெற்றி பெற்று வரலாற்றுச் சாதனை படைத்துள்ளார்.
கடந்த 4 ஆம் தேதி அன்று நடைபெற்ற முதற்கட்ட தேர்தலில் யாருக்கும் பெரும்பான்மை கிடைக்காததால், நேற்று (அக்.25) இரண்டாம் கட்ட வாக்குப்பதிவு நடைபெற்றது. இதில் லுலா டா சில்வா 51.8% வாக்குகளைப் பெற்று வெற்றி பெற்றதாகத் தேர்தல் ஆணையம் அறிவித்தது. அவரை எதிர்த்துப் போட்டியிட்ட முன்னாள் அதிபர் ஜெய்ர் போல்சனாரோவின் மகனான பிளாவியோ போல்சனாரோ 48.2% வாக்குகளை மட்டுமே பெற்றார். இருப்பினும், தோல்வியை ஏற்க மறுத்த போல்சனாரோ, தேர்தல் முடிவுகளை ரத்து செய்யக் கோரிக்கை விடுத்துள்ளார்.
தேர்தல் பிரசாரத்தின் போது, பிளாவியோ போல்சனாரோ அமெரிக்க அதிபர் டொனால்ட் டிரம்பின் நிர்வாகத்துடன் நெருக்கமான உறவை ஏற்படுத்துவதாக உறுதியளித்திருந்தார். ஆனால் லுலா டா சில்வா, பிரேசில் ஏற்றுமதிகள் மீது அமெரிக்கா விதித்த வரிகள் உட்பட டிரம்பின் கொள்கைகளைக் கடுமையாக விமர்சித்து வந்தார்.
லுலாவின் இந்த வெற்றி, லத்தீன் அமெரிக்காவில் ஆதிக்கம் செலுத்த நினைத்த டொனால்ட் டிரம்பிற்கும் அவரது ஆதரவாளர்களுக்கும் பெரும் ஏமாற்றத்தையும் பின்னடைவையும் ஏற்படுத்தியுள்ளதாக கருதப்படுகிறது. இதனால் வரும் நாட்களில் பிரேசில் மீது அமெரிக்கா கூடுதல் வரிகளை விதிக்கக்கூடும் என்றும் எதிர்பார்க்கப்படுகிறது.
ஏற்கனவே 2003 முதல் 2011 வரை இருமுறையும், 2023 முதல் தற்போதும் அதிபராக உள்ள லுலா டா சில்வா, வரும் 2027 ஜனவரியில் 4-வது முறையாகப் பிரேசில் அதிபராகப் பொறுப்பேற்கவுள்ளார்.