தமிழ் சினிமாவில் ரஜினிகாந்த், விஜய் ஆகிய இரு முன்னணி நட்சத்திரங்களின் வசூல் சாதனைகளைத் தொடர்ந்து, தற்போது சூர்யா புதிய பாக்ஸ் ஆபீஸ் வரலாறு படைக்கும் முயற்சியில் இறங்கியுள்ளார். ஒரே ஆண்டில் தொடர்ந்து மூன்று படங்கள் 150 கோடிக்கும் அதிகமான வசூலைப் பெற்றுத் தந்த முதல் தமிழ் ஹீரோ என்ற சாதனையை சூர்யா படைத்திருப்பது ரசிகர்கள் மத்தியில் பெரும் உற்சாகத்தை ஏற்படுத்தியுள்ளது.
மீண்டும் பாக்ஸ் ஆபீஸில் சூர்யா ஆதிக்கம்!
2019 முதல் என்ஜிகே, காப்பான், சூரரைப் போற்று, ஜெய் பீம், எதற்கும் துணிந்தவன், கங்குவா என பல படங்களில் நடித்தாலும், தொடர்ச்சியான திரையரங்கு வெற்றிகளைப் பெறுவதில் சூர்யாவுக்கு சவால்கள் இருந்து வந்தன. குறிப்பாக கங்குவா படத்தின் எதிர்பார்ப்பு மற்றும் வசூல் ஏமாற்றம் ரசிகர்களிடையே பெரும் விவாதத்தை ஏற்படுத்தியது.
ஆனால் 2026ம் ஆண்டு சூர்யாவின் சினிமா பயணத்தில் மிகப்பெரிய திருப்புமுனையாக அமைந்துள்ளது. ஆர்.ஜே.பாலாஜி இயக்கத்தில் திரிஷாவுடன் இணைந்து நடித்த 'கருப்பு' திரைப்படம் ரூ.340 கோடிக்கும் அதிகமான வசூலைப் பெற்றதாகக் கூறப்படுகிறது. தொடர்ந்து வெங்கி அட்லூரி இயக்கத்தில் வெளியான 'விஸ்வநாத் அண்ட் சன்ஸ்' திரைப்படமும் ரூ.240 கோடிக்கும் அதிகமாக வசூலித்ததாக தகவல்கள் வெளியாகின.
இதற்கிடையில் தீபாவளி வெளியீடாக வந்த ஜித்து மாதவன் இயக்கிய 'சீன்' திரைப்படமும் வசூலில் சூர்யாவுக்கு கைகொடுத்துள்ளது. நஸ்ரியா, நஸ்லன் உள்ளிட்டோர் நடித்த இந்தப் படம் வெளியான முதல் வாரத்திலேயே ரூ.100 கோடியைக் கடந்துள்ளதாக தகவல்கள் தெரிவிக்கின்றன.
ஒரே ஆண்டில் ஹாட்ரிக் 150+ கோடி... புதிய சாதனை!
கருப்பு, விஸ்வநாத் அண்ட் சன்ஸ், சீன் என தொடர்ந்து மூன்று படங்களும் 150 கோடிக்கும் அதிகமான வசூலைப் பெற்றிருப்பதாக வெளியாகும் தகவல்கள் சூர்யாவின் பாக்ஸ் ஆபீஸ் ஆதிக்கத்தை வெளிப்படுத்துகின்றன. இதன் மூலம் ஒரே ஆண்டில் தொடர்ந்து மூன்று 150+ கோடி வசூல் படங்களை கொடுத்த முதல் தமிழ் ஹீரோ என்ற புதிய சாதனையை சூர்யா படைத்துள்ளார்.
இந்த மூன்று படங்களின் மொத்த வசூல் ரூ.725 கோடியைத் தாண்டியுள்ளதாக தகவல்கள் வெளியாகியுள்ளன. சீன் படத்தின் வசூல் தொடர்ந்து அதிகரிக்கும் பட்சத்தில் இந்த எண்ணிக்கை மேலும் உயர வாய்ப்புள்ளது.
ரஜினி, விஜய்யைத் தொடர்ந்து THE ONE சூர்யா?
தமிழ் சினிமாவில் ரஜினிகாந்த் மற்றும் விஜய் ஆகியோர் ஒரே ஆண்டில் மிகப்பெரிய வசூல் சாதனைகளை நிகழ்த்திய முன்னணி நடிகர்கள். விஜய்யின் லியோ திரைப்படம், ரஜினியின் ஜெயிலர் திரைப்படம் ஆகியவை பாக்ஸ் ஆபீஸில் மிகப்பெரிய தாக்கத்தை ஏற்படுத்தின.
ஆனால் தற்போது விஜய் அரசியலில் கவனம் செலுத்தி தமிழ்நாட்டின் முதலமைச்சராகியுள்ள நிலையில், இனி அவர் திரைப்படங்களில் நடிக்கமாட்டார் என்று அறிவித்துவிட்டார். அஜித் குமார் ரேஸிங்கில் தீவிரமாக கவனம் செலுத்திவரும் நிலையில், தமிழ் சினிமாவின் அடுத்த பாக்ஸ் ஆபீஸ் கிங் யார் என்ற போட்டியில் சூர்யா முக்கிய இடத்தைப் பிடித்துள்ளார்.
1000 கோடி வசூல் இலக்கு... சூர்யாவின் அடுத்த பாய்ச்சல்!
இந்த ஆண்டில் சூர்யாவின் மூன்று படங்களும் சேர்ந்து ரூ.725 கோடிக்கும் அதிகமான வசூலைப் பெற்றுள்ளதாக கூறப்படும் நிலையில், ரூ.1000 கோடி என்ற இலக்கை எட்ட இன்னும் சுமார் ரூ.275 கோடி தேவைப்படுகிறது.
ரஜினிகாந்தின் ஜெயிலர் 2 திரைப்படம் இந்த ஆண்டில் ரூ.820 கோடிக்கும் அதிகமான வசூலைப் பெற்றுள்ளதாக தகவல்கள் வெளியாகியுள்ளன. இதனால் ரஜினிக்கு அடுத்த இடத்தில் சூர்யா வருவாரா அல்லது அவரையும் மிஞ்சி புதிய சாதனை படைப்பாரா என்ற எதிர்பார்ப்பு அதிகரித்துள்ளது.
ஒரே ஆண்டில் மூன்று படங்களின் மூலம் தொடர்ச்சியான வசூல் வெற்றிகளைப் பெற்ற சூர்யா, தமிழ் சினிமாவின் அடுத்த THE ONE ஆக மாறுவாரா? ரஜினி, விஜய் ஆகியோரின் வசூல் சாதனைகளைத் தொடர்ந்து சூர்யா புதிய பாக்ஸ் ஆபீஸ் சிம்மாசனத்தைப் பிடிப்பாரா? என்பதுதான் தற்போது கோலிவுட்டில் பேசப்படும் ஹாட் டாபிக்!