மேஷம்
இன்றைய நாள் எடுத்துக்கொண்ட காரியங்களைச் சிறப்பாக முடிக்கும் நாளாக அமையும். தந்தை வழி உறவினர்களிடம் இருந்து எதிர்பார்த்த உதவிகள் கிடைப்பதில் தாமதம் ஏற்படலாம். எதிர்பாராத பணவரவு கிடைத்தாலும், கூடவே சில தேவையற்ற செலவுகளும் ஏற்பட வாய்ப்புள்ளது. கணவன், மனைவிக்கிடையே இருந்த மனக்கசப்புகள் நீங்கி குடும்பத்தில் மகிழ்ச்சி அதிகரிக்கும். வியாபாரத்தில் போட்டியாளர்களின் ஆதரவு கிடைக்கலாம். வாடிக்கையாளர்களின் வருகை அதிகரிப்பதால் விற்பனையும் லாபமும் உயரும்.
ரிஷபம்
இன்று தன்னம்பிக்கையுடன் செயல்பட்டு பல காரியங்களில் வெற்றி காண்பீர்கள். உங்களுக்கு எதிராகச் செயல்படுபவர்களின் முயற்சிகளை முறியடிக்கும் சூழல் உருவாகும். நீண்ட நாட்களாகத் தடைப்பட்டிருந்த பணிகள் சாதகமாக முடிவடையலாம். உடல்நலத்தில் முன்னேற்றம் ஏற்படும். முக்கியமான முடிவுகளை எடுப்பதற்கு ஏற்ற நாளாக இருக்கும். நண்பர்கள் வழியாக மகிழ்ச்சியான தகவல் கிடைக்கலாம். எதிர்பாராத வருமானத்திற்கும் வாய்ப்புள்ளது. வியாபாரத்தில் விற்பனை அதிகரித்து லாபம் திருப்திகரமாக இருக்கும்.
மிதுனம்
இன்றைய தினம் எந்தவொரு செயலிலும் அவசரம் காட்டாமல் நிதானத்துடன் செயல்படுவது அவசியம். தாய்வழி உறவினர்கள் மூலம் எதிர்பார்த்த உதவிகள் கிடைப்பதில் தாமதம் ஏற்படலாம். பிள்ளைகளின் பிடிவாதமான செயல்பாடுகள் மனதில் கோபத்தை ஏற்படுத்தினாலும் பொறுமையுடன் கையாளவும். குடும்ப உறுப்பினர்களின் கருத்துகளுக்கு மதிப்பளித்து நடப்பது நல்லது. அரசாங்கம் தொடர்பான பணிகளில் இழுபறி ஏற்படலாம். வியாபாரத்தில் வாடிக்கையாளர்களிடம் கனிவாகப் பேசுவது கூடுதல் நன்மைகளைப் பெற்றுத் தரும்.
கடகம்
இன்று புதிய முயற்சிகளை மேற்கொள்வதற்கு சாதகமான சூழல் அமையும். நீண்ட நாட்களாக எதிர்பார்த்த நல்ல செய்தி கிடைப்பதற்கான வாய்ப்புகள் உள்ளன. வாழ்க்கைத்துணையின் ஆதரவு உங்கள் செயல்களுக்கு உறுதுணையாக இருக்கும். இளைய சகோதரர்கள் உதவி கேட்டு வரலாம். தாயாரின் விருப்பத்தை நிறைவேற்றும் சந்தர்ப்பம் கிடைக்கும். குடும்பத்தில் மகிழ்ச்சியான சூழல் நிலவும். வியாபாரத்தில் புதிய வாடிக்கையாளர்களின் வருகையால் விற்பனை அதிகரிக்கும். எதிர்பார்த்ததைவிட கூடுதல் லாபம் கிடைக்க வாய்ப்புள்ளது.
சிம்மம்
இன்று அரசாங்கம் தொடர்பான காரியங்களில் சாதகமான முடிவுகள் கிடைக்கலாம். எதிர்பாராத பணவரவு ஏற்பட்டாலும் திடீர் செலவுகளும் தொடரலாம். சகோதரர்களுடன் சில விஷயங்களில் கருத்து வேறுபாடுகள் ஏற்பட வாய்ப்புள்ளது. உறவினர்களிடம் பேசும்போது வார்த்தைகளில் கவனம் தேவை. சிறிய பிரச்னைகளைப் பெரிதுபடுத்தாமல் விட்டுக்கொடுத்துச் செல்வது நல்லது. வியாபாரத்தில் விற்பனை வழக்கமான அளவில் இருக்கும். பணியாளர்கள் மற்றும் நிர்வாகம் தொடர்பான செலவுகள் அதிகரிக்கலாம்.
கன்னி
இன்றைய நாள் உற்சாகத்துடன் செயல்படுவீர்கள். இருப்பினும் புதிய முயற்சிகள் மற்றும் முக்கிய முதலீடுகளைச் சற்று ஒத்திவைப்பது நல்லது. கணவன், மனைவிக்கிடையே அன்பும் புரிதலும் அதிகரிக்கும். வாகனப் பயணங்களில் கூடுதல் கவனம் தேவை. எதிர்பாராத வேலைகளால் உடல் சோர்வு ஏற்படலாம். பணிகளைத் திட்டமிட்டு மேற்கொள்வது நல்லது. வியாபாரத்தில் விற்பனை அதிகரித்து லாபம் உயர வாய்ப்புள்ளது. பங்குதாரர்களுடன் மேற்கொள்ளும் பேச்சுவார்த்தைகள் சாதகமான முடிவுகளைத் தரும்.
துலாம்
இன்று மனதில் உற்சாகமும் புத்துணர்ச்சியும் அதிகரிக்கும். எதிர்பாராத பணவரவு கிடைக்க வாய்ப்பிருந்தாலும், உறவினர்கள் மற்றும் குடும்பத் தேவைகளுக்காகச் செலவுகள் ஏற்படலாம். தாய்வழி உறவினர்களால் சில மனக்கசப்புகள் உருவானாலும் அவற்றைப் பக்குவமாகச் சமாளிப்பீர்கள். குடும்பத்தில் உங்கள் பொறுப்புகள் அதிகரிக்கலாம். வியாபாரத்தில் பணியாளர்கள் மற்றும் பங்குதாரர்கள் தொடர்பான செலவுகள் ஏற்பட வாய்ப்புள்ளது. வரவு செலவுகளைக் கணக்கிட்டு செயல்படுவது நன்மை தரும்.
விருச்சிகம்
இன்று நீங்கள் திட்டமிட்ட காரியங்கள் வெற்றிகரமாக நிறைவேறுவதற்கான வாய்ப்புகள் அதிகம். தாய்மாமன் வழி உறவினர்களிடம் இருந்து எதிர்பார்த்த உதவி கிடைக்கலாம். வாழ்க்கைத்துணை உங்கள் முயற்சிகளுக்கு ஆதரவாக இருப்பார். குடும்பத்தில் ஒருவருக்கொருவர் விட்டுக்கொடுத்து நடப்பதால் மகிழ்ச்சி அதிகரிக்கும். வியாபாரத்தில் விற்பனை வழக்கம்போல் நடைபெற்றாலும் பணியாளர்கள் தொடர்பான செலவுகள் அதிகரிக்கலாம். தேவையற்ற செலவுகளைத் தவிர்த்து சேமிப்பில் கவனம் செலுத்துவது நல்லது.
தனுசு
இன்று சுறுசுறுப்புடனும் உற்சாகத்துடனும் செயல்படுவீர்கள். தந்தை வழி உறவினர்கள் மூலம் அனுகூலமான பலன்கள் கிடைக்கலாம். குடும்பத்தில் முக்கிய முடிவுகளை எடுக்கும் விஷயங்களில் உங்கள் ஆலோசனைக்கு முன்னுரிமை கிடைக்கும். பிள்ளைகள் மூலம் மகிழ்ச்சியான செய்தியும் பணவரவுக்கான வாய்ப்பும் உருவாகலாம். நண்பர்கள் உங்களுக்கு உதவிகரமாக இருப்பார்கள். வியாபாரத்தில் பங்குதாரர்களின் ஒத்துழைப்பால் ஆதாயம் கிடைக்கும். விற்பனை அதிகரிப்பதால் லாபமும் உயரக்கூடும்.
மகரம்
இன்று புதிய முயற்சிகளைத் தொடங்குவதைவிட ஏற்கெனவே உள்ள பணிகளை முடிப்பதில் கவனம் செலுத்துவது நல்லது. குடும்பப் பொறுப்புகளை நிறைவேற்றுவதற்காக அலைச்சல் அதிகரிக்கலாம். மற்றவர்களிடம் பேசும்போது நிதானத்தைக் கடைப்பிடிக்கவும். தந்தையுடன் இருந்த கருத்து வேறுபாடுகள் படிப்படியாக நீங்கி சுமுகமான உறவு ஏற்படும். அவரிடமிருந்து எதிர்பார்த்த நிதியுதவி கிடைக்கவும் வாய்ப்புள்ளது. வியாபாரத்தில் பெரிய மாற்றங்கள் இல்லாமல் வழக்கமான நிலையே தொடரும்.
கும்பம்
இன்று புதிய முயற்சிகளில் ஈடுபடுவதற்கு முன்பு நன்கு ஆலோசிப்பது அவசியம். தாய்வழி உறவினர்கள் மூலம் சில சங்கடங்கள் ஏற்படலாம். தந்தையின் உடல்நலத்தில் கூடுதல் கவனம் செலுத்துவது நல்லது. அரசாங்கம் தொடர்பான பணிகளில் தாமதம் ஏற்பட வாய்ப்புள்ளது. மற்றவர்களிடம் பேசும்போது கோபத்தையும் பதற்றத்தையும் தவிர்க்கவும். வியாபாரத்தில் சக வியாபாரிகளால் சில போட்டிகளும் பிரச்னைகளும் உருவாகலாம். இருப்பினும் அவற்றைச் சாதுரியமாகக் கையாள்வதால் பெரிய பாதிப்புகள் ஏற்படாது.
மீனம்
இன்று எதிர்பாராத செலவுகள் அதிகரிப்பதால் சேமிப்புப் பணம் குறைய வாய்ப்புள்ளது. எனவே தேவையற்ற செலவுகளைக் கட்டுப்படுத்துவது அவசியம். கணவன், மனைவிக்கிடையே சிறிய கருத்து வேறுபாடுகள் ஏற்படலாம். ஒருவருக்கொருவர் புரிந்துகொண்டு பேசுவதன் மூலம் பிரச்னைகளைத் தவிர்க்கலாம். வாழ்க்கைத்துணையின் உறவினர்கள் தொடர்பாக சில சிக்கல்கள் உருவாகி பின்னர் சரியாகும். பிள்ளைகளின் தேவைகளுக்காகச் செலவு செய்ய வேண்டியிருக்கலாம். வியாபாரத்தில் விற்பனை மந்தமாக இருக்க வாய்ப்புள்ளதால் வாடிக்கையாளர்களிடம் கனிவாக நடந்துகொள்வது நல்லது.